Bakı,AzerVoice
ABŞ prezidenti İsrailin baş nazirinə “Boş danışmağı dayandırın” deyib.
İyulun 31-də HƏMAS lideri İsmayıl Haniyənin Tehranda öldürülməsindən sonra İranın necə cavab verəcəyi maraqla gözlənilsə də, ABŞ və İsrail qəzetləri Co Bayden və Benyamin Netanyahu arasında münasibətlərin daha da gərginləşdiyini açıqlayıb.
Haaretz-in Vaşinqtondakı mənbəsi bildirib ki, ABŞ prezidenti bu sui-qəsddən sonra İsrail baş nazirinin girov müqaviləsi ilə bağlı ona yalan danışdığını anlayıb.
Adını və vəzifəsini gizli saxlamaq istəyən yüksək rütbəli ABŞ rəsmisi, Netanyahunun 10 aydır davam edən Qəzza müharibəsində Vaçinqrtonun onlara hər cür yardım göstərdiyi, lakin buna baxmayaraq İsrailin ABŞ-a qarşı , “nankorluq” etdiyini deyib.
Mənbə, biri təxminən 10 gün əvvəl, digəri isə ötən həftə keçirilən iki Bayden-Netanyahu görüşündə atmosferin gərgin olduğunu açıqlayıb.
ABŞ-ın İran və Livan Hizbullahının qisaslarına qarşı İsrailin yanında olacağını vurğulayan rəsmi, Tel-Əvivin müharibəni genişləndirəcək yeni addımlarını dəstəkləməyəcəklərini bildirib.
Mənbə onu da qeyd edib ki, Netanyahu girov müqaviləsinin təmin edilməsinə diqqət yetirmək əvəzinə, müharibəni uzatmağa çalışır. Zaman keçdikcə İsrailə dəstəyimizi davam etdirmək bizim üçün çətinləşir.
