BAKI, AzerVoice

ABŞ sabiq Prezident Co Baydenin ticarət siyasəti səbəbindən hər gün 5–6 milyard dollar itirirdi.

AzerVoice xəbər verir ki, bu haqda ABŞ Prezidenti Donald Tramp "NBC News" telekanalına verdiyi müsahibədə bildirib.

“Baydenin apardığı ticarət siyasəti səbəbindən hər gün 5 milyard dollar itirirdik. Mən isə bu göstəricini rekord müddətdə çox yaxşı səviyyəyə endirdim. Cəmi 100 gündən söhbət gedir, amma təsəvvür edin, ticarətə görə gündə 5 milyard dollar zərərə düşürdük” - deyə, Tramp bildirib.

O, özünün tətbiq etdiyi gömrük tariflərinin ABŞ-ı varlı bir ölkəyə çevirəcəyinə inandığını bildirib.

Xatırladaq ki, aprelin 2-də ABŞ Prezidenti Donald Tramp 185 ölkə və əraziyə qarşı yeni gömrük rüsumlarının tətbiq olunduğunu elan edib. Ümumi 10 faizlik tariflər aprelin 5-də qüvvəyə minib, fərdi tariflər isə aprelin 9-da tətbiq edilib. Eyni zamanda Tramp aprelin 9-da bəzi ölkə və ərazilərə qarşı qarşılıqlı prinsip əsasında tətbiq olunmuş əlavə gömrük rüsumlarının 90 gün müddətinə təxirə salındığını bildirib. Ağ Ev bu qərarın ticarət danışıqları aparıldığı üçün verildiyini və bu müddətdə 10 faizlik ümumi tarifin qüvvədə qalacağını bildirib.