5
BAKI, AzerVoice
Küveyt bölgədəki gərginlikdən sonra bağladığı hava məkanını yenidən uçuşlar üçün açıb.
AzerVoice xəbər verir ki, Küveyt Mülki Aviasiya Baş İdarəsi hava məkanının sabitləşməsindən sonra uçuşların bərpasına qərar verildiyini açıqlayıb. Açıqlamada bildirilib ki, hava hərəkəti artıq normal qaydada davam etdiriləcək.
Küveyt Hava Yolları da bütün planlaşdırılmış reyslərin əvvəlki cədvələ uyğun şəkildə həyata keçiriləcəyini bildirib.
Qeyd edək ki, İranın Qətərdə yerləşən ABŞ bazasına hava zərbələri endirməsindən sonra Qətər, Küveyt, İraq və Bəhreyn müvəqqəti olaraq hava məkanlarını bağlamışdı. Daha sonra Qətər və indi də Küveyt məkanlarını yenidən açdıqlarını bəyan ediblər.
