Səudiyyə Ərəbistanının paytaxtı Ər-Riyadda noyabrın 21-22-də Al-Faysal Universitetində Yaxın Şərq Terapevtik Radiasiya Onkologiyası Cəmiyyətinin dördüncü konfransı keçiriləcək. Tədbirdə Krallıqdan və digər ölkələrdən olan mütəxəssislər, tədqiqatçılar, beynəlxalq dərman və tibbi texnologiya şirkətləri iştirak edəcək. Konfransın əsas mövzuları süni intellektin tətbiqi və müasir xərçəng müalicəsi texnologiyaları olacaq.

Neft İxrac Edən Ölkələr Təşkilatı (OPEC) və OPEC-ə daxil olmayan bəzi istehsalçı ölkələrdən ibarət olan OPEC+ qrupunun üzvü olan 8 ölkə, dekabr ayında gündəlik neft hasilatını 137 min barel artırmaq qərarına gəlib. OPEC tərəfindən verilən açıqlamaya əsasən, Səudiyyə Ərəbistanı, Rusiya, İraq, Birləşmiş Ərəb Əmirlikləri, Küveyt, Qazaxıstan, Əlcəzair və Oman qlobal bazar şərtlərini və perspektivlərini qiymətləndirmək üçün onlayn toplantı keçirib.

Suriyada milli birliyin təmin olunması təkcə ölkə daxilində deyil, bütün Yaxın Şərqdə sülh və sabitliyin bərqərar olması üçün əsas şərtdir.Dəməşq bu istiqamətdə mühüm addımlar atsa da, iqtisadi baxımdan geniş beynəlxalq dəstək və effektiv siyasi vasitəçilik hələ də zəruridir. Xüsusilə, mərkəzi hökumət və yerli idarələr arasında səlahiyyət bölgüsünə dair İraq təcrübəsindən bəhrələnmək vacib sayılır.

Türkiyə Respublikasının Prezidenti Rəcəb Tayyib Ərdoğan rəsmi səfəri çərçivəsində Qətərdə səfərdədir. Səfər zamanı o, Qətər Dövlətinin Əmiri Şeyx Təmim bin Həməd Al Sani ilə paytaxt Dohada görüş keçirib. Əmirlik Divanında baş tutan görüş mətbuata qapalı şəraitdə keçirilib. İkili görüşdən sonra nümayəndə heyətləri arasında danışıqlar aparılacaq və müxtəlif sahələrdə əməkdaşlığa dair sənədlərin imzalanması nəzərdə tutulur.

Türkiyə Prezidenti Rəcəb Tayyib Ərdoğan və Küveyt Əmiri Şeyx Meşal əl-Əhməd əl-Cabir əs-Sabahın iştirakı ilə iki ölkə arasında 4 saziş imzalanıb. Rəsmi səfər çərçivəsində Küveytə gələn və rəsmi mərasimlə qarşılanan Prezident Ərdoğan, Küveyt Əmiri əs-Sabah ilə təkbətək və nümayəndə heyətləri arasında görüşlər keçirib. Ərdoğan Küveyt Əmiri əs-Sabaha Türkiyənin yerli elektrik avtomobili Toggu hədiyyə edib.

Türkiyə Prezidenti Rəcəb Tayyib Ərdoğan Körfəz turunun ilk dayanacağı olan Küveytə səfər edib və rəsmi mərasimlə qarşılanıb. Prezidentlə birlikdə Birinci xanım Əminə Ərdoğan, xarici işlər naziri Hakan Fidan, enerji və təbii sərvətlər naziri Alparslan Bayraktar, xəzinə və maliyyə naziri Mehmet Şimşek, milli müdafiə naziri Yaşar Güler, sənaye və texnologiya naziri Mehmet Fatih Kacır, ticarət naziri Ömər Bolat, eləcə də AK Partiya rəhbərliyindən bir sıra yüksək vəzifəli şəxslər - Ömər Çelik, Halit Yerebakan, Özlem Zengin, MİT rəhbəri İbrahim Kalın, Prezident Administrasiyasının Kommunikasiya rəhbəri Burhanettin Duran, Müdafiə Sənayesi Komitəsinin sədri Haluk Görgün və xarici siyasət və təhlükəsizlik üzrə baş müşavir Akif Çağatay Kılıç da Küveytə səfərdə iştirak ediblər.

Türkiyə Prezidenti Rəcəb Tayyib Ərdoğan 21-22-23 Oktyabr tarixlərində Küveyt, Qətər və Oman ölkələrinə rəsmi səfər edəcək. Səfərlər zamanı bu ölkələrlə ikitərəfli münasibətlərin bütün aspektləri yenidən nəzərdən keçiriləcək və mövcud əməkdaşlığın daha da inkişaf etdirilməsi üçün görüləcək işlər müzakirə olunacaq. Görüşlərdə həmçinin regional inkişaflar və beynəlxalq məsələlər barədə məsləhətləşmələrin aparılması planlaşdırılır.

Küveyt Daxili İşlər Nazirliyi ölkədə məscidlər və ibadət yerlərinə yönəlmiş partlayıcı-təxribat əməliyyatı hazırlayan bir əcnəbi mənşəli sakin (müvəqqəti yaşayan) saxlandığını açıqlayıb. Nazirliyin bazar ertəsi gecə yaydığı bəyanatda bildirilib ki, Dövlət Təhlükəsizliyi Xidməti qabaqlayıcı əməliyyat çərçivəsində planı ifşa edib. «Ölkənin təhlükəsizliyini qorumaq və sabitliyini təmin etmək məqsədilə aparılan intensiv qabaqlayıcı tədbirlər nəticəsində Dövlət Təhlükəsizliyi Xidməti dini məkanlara hücum etmək niyyətində olan qadağan olunmuş təşkilata mənsub əcnəbi mənşəli bir sakini həbs edə bilib. Araşdırmalar zamanı onun partlayıcı qurğular hazırlamaq üçün istifadə olunan bir sıra texniki avadanlıq və materiallar, eləcə də onların hazırlanma və istifadə üsulları yaşayış yerində aşkar edilib» -nazirliyin bəyanatında deyilir.

Azərbaycanın ilk dəfə ev sahibliyi etdiyi III MDB Oyunlarında bu gün 7 idman növü üzrə yarışlar keçiriləcək. Çövkən üzrə Azərbaycan millisi A qrupundakı ikinci oyununda Küveyt yığması ilə qarşılaşacaq. Şəki şəhər stadionundakı görüş saat 12:30-da başlayacaq. Milli komandamız ilk turda Qırğızıstana 4:0 hesabı ilə qalib gəlib.

2025-ci il Fransa Superkuboku oyunu Paris Sen-Jermen (PSG) ilə Marsel komandaları arasında baş tutacaq. Görüşün 2026-cı il yanvarın 8-də Küveytin paytaxtında yerləşən 58 min tamaşaçı tutumuna malik Caber Əl-Əhməd Beynəlxalq Stadionunda keçirilməsi qərara alınıb. Keçən mövsüm final oyunu Qətərin Doha şəhərində təşkil olunmuşdu. Beləliklə, Fransa Superkuboku ardıcıl ikinci dəfə Asiyada baş tutacaq. Ənənəyə uyğun olaraq, Superkubokda Liqa 1 çempionu ilə Fransa Kubokunun qalibi qarşılaşır. 2024–2025 mövsümündə hər iki kuboku qazanan PSG, finalda Liqa 1-in ikincisi Marsel ilə üz-üzə gələcək.

OPEK+ çərçivəsində neft hasilatını könüllü şəkildə azaldan səkkiz ölkənin görüşü başlayıb. İştirakçılar oktyabr ayı üçün hasilat planı barədə razılıq əldə etməlidirlər. Səudiyyə Ərəbistanı bazardakı payını bərpa etmək üçün OPEK+ ölkələrinin neft hasilatını daha sürətli artırmasını təşviq edir. Səkkiz ölkə hazırda 2026-cı ilin sonunadək qüvvədə olan gündəlik 1,65 milyon barellik hasilat məhdudiyyətinin taleyini müzakirə edəcək.

Çin 2025-ci ilin iyun ayında son üç il ərzində ilk dəfə olaraq ABŞ-dan xam neft idxalını sıfıra endirib.