BAKI, AzerVoice

Tarixi araşdırmalar göstərir ki, Sultan II Mehmet (Fatih) Osmanlı tarixinin ən böyük sərkərdələrindən biri hesab olunsa da, onun qazandığı zəfərlər asan əldə edilməyib. Fatih sadəcə zəif və kiçik hökmdarlarla deyil, Balkanlar və Cənub-Şərqi Avropanın ən güclü liderləri ilə mübarizə aparıb.

Fatihin üz-üzə gəldiyi rəqiblər arasında:

Eflak hökmdarı Kazıklı Voyvoda – Vlad Drakul
Avropa tarixində “Drakula” kimi tanınan Vlad, sərt taktikaları və gerilla döyüşləri ilə məşhur idi.

Boğdan (Moldova) hakimi Stefan Çel Mare
Rumın tarixinin ən böyük sərkərdələrindən biri sayılır və uzun müddət Osmanlıya qarşı mübarizə aparıb.

Arnavut (Albaniya) lideri İskəndər bəy
Balkanlarda Osmanlıya qarşı ən güclü müqavimət hərəkatını təşkil edən sərkərdə kimi tanınır.

Macar ordusunun komandanı Hunyadi Yanoş
Avropanın ən məşhur hərbi liderlərindən biri idi və Osmanın Avropa yürüşlərinə uzun müddət mane olub.

Ağqoyunlu hökmdarı Uzun Həsən
Yaxın Şərqin ən güclü dövlətlərindən birinə rəhbərlik edir, Anadoluda Osmanlıya qarşı ciddi təhlükə yaratmışdı.

Bütün bu adlar öz xalqlarının tarixində qəhrəman, strateq və böyük sərkərdə kimi qeyd olunur. Bu səbəbdən tarixçilər qeyd edirlər ki, Fatih Sultan Mehmet rahat qələbələr qazanmamış, dövrünün ən qüdrətli liderləri ilə mübarizə apararaq Osmanlını bir imperiyaya çevirmişdi.