BAKI,AzerVoice
Bir adı da “quşluq” olan bu namaz günəşin doğmasından 45 dəqiqə sonra, azı, iki, çoxu, on iki rükət arasında, zəval vaxtına qədər qılınan namazdır. Həzrət Peyğəmbərin bu namazın fəzilətlərindən və neçə rükət olduğundan bəhs edən çoxlu rəvayət mövcuddur.
"Düha" sözünün Quranda və hədislərdə istifadəsi
“Düha” kəlməsi Qurani-Kərimdə ümumiyyətlə "gündüzün parlaq vaxtı", yəni günəş doğduqdan sonrakı işıqlı zaman mənasında işlədilir. Bu söz, altı ayədə sözlük mənası ilə keçmişdir:
Əl-Əraf – 7/98
Taha– 20/59
Ən-Naziat – 79/29, 79/46
Əş-Şəms – 91/1
Əd-Düha – 93/1
Qurandakı bu ayələrdə “düha” ya günəşin doğuş vaxtı, ya da aydınlıq və fəallıq dövrü kimi kontekstlərdə işlənmişdir.
Hədis ədəbiyyatında isə “düha” ilə əlaqəli müxtəlif ifadələrə rast gəlmək mümkündür. Bunlara "əd-düha, "salatüd-düha" (düha namazı), "subhatud-düha” kimi terminlər daxildir.