UNICEF/UNI448902/Mohammad Ajjour
7 yaşlı Amal qonşu evlər yerə yıxıldıqdan sonra öz məhəlləsini düşünür. Onun gördüyü dağıntıları heç bir söz təsvir edə bilməz.

Bakı,AzerVoice

ABŞ dövlət katibi Antoni Blinken İsrail və HƏMAS arasında atəşkəs razılaşmasının əldə olunması üçün İsrail liderləri ilə görüşüb və bildirib ki, girovları azad edəcək və Qəzzada təxminən 7 ay davam edən müharibəyə fasilə verəcək razılaşmanın  tam "vaxtıdır" .

AzerVoice xəbər verir ki, Blinken oktyabr ayında başlayan müharibədən sonra bölgəyə yeddinci səfərini edir və məqsədi İsrail və HƏMAS arasında 1,4 milyon fələstinlinin sığındığı Qəzzanın cənubundakı Rəfah şəhərinə İsrailin müdaxiləsinin qarşısını ala biləcək çətin razılaşmanı təmin etməkdir.

Danışıqların hazırkı raundu ciddi görünür, lakin tərəflər arasında sülh məsələsində ciddi fikir ayrılığıl var.

İlkin, qısamüddətli atəşkəs və girovların qismən azad edilməsinə razılıq verməzdən əvvəl HƏMAS bütün girovların azad edilməsinin İsrailin hücumunun dayandırılmasını və Qəzzadan tam çıxarılmasına dair təminat istəyir. 

İsrail isə qıssa müddətli fasilə tələb edir və bildiri ki, yenidən müharibəyə başlayacaq və HƏMAS-I məhv edəcək.İsrailin baş naziri Benyamin Netanyahu çərşənbə günü Blinkenlə danışıqlarda Rəfaha hücum etmək əzmini təkrarlayıb.

Blinken HƏMAS-a təzyiq göstərərək, razılaşmanın əldə olunmadığı  təqdirdə bunu  məsuliyyətinin HƏMAS-da olacağını söyləyib. HƏMAS verdiyi açıqlamada, ehtimal ki, cümə axşamı son təklifə cavab verəcəyini bildirib.

Blinken Təl-Əvivdə keçirilən deyib ki, “Biz girovları evlərinə qaytaracaq atəşkəs əldə etmək əzmindəyik və buna yeganə əngəl HƏMAS-dır”.

Blinken bildirib ki, bu razılaşma həm də müharibənin humanitar böhrana səbəb olduğu və ərazi əhalisinin çox hissəsini köçkün vəziyyətinə saldığı Qəzzaya çox ehtiyac duyulan qida, dərman və suyun daxil olmasına imkan verəcək.

Görülən odur ki, hər nə qədər Bliken HƏMAS-ı sülh istəməmkdə günahlandırsa da , sülhə əngəl İsrailin aşırı radikal hakimiyyətidir.

Çərşənbə günü Netanyahunun ofisi bildirib ki, "Rəfəhdəki əməliyyat heç nədən asılı deyil. Rəfaha hücüm ediləcək.”

Buna baxmayaraq, rəsmi Vaşinqton deyir ki, o, böyük bir hücuma qarşıdır, lakin İsrail hücum edərsə, ilk növbədə mülki insanları təxliyə etməlidir.

Rəfahda, İsrailin potensial işğalından qorxan fələstinlilər, aylarla bildirilən yaxın sövdələşmələrdən sonra bu dəfə atəşkəsin əldə ediləcəyinə ümid edirdilər.
Yüz minlərlə insan Rəfah ətrafında bir vaxtlar boş olan əraziləri dolduran geniş çadır düşərgələrində yaşayır.

Yerli səhiyyə rəsmilərinin bildirdiyinə görə, Qəzzadakı müharibə 34 mindən çox fələstinlinin ölümünə səbəb olub. Müharibə Qəzzanın 2,3 milyonluq əhalisinin təxminən 80%-ni evlərindən didərgin salıb, bir sıra qəsəbə və şəhərlərdə böyük dağıntılara səbəb olub və Qəzzanın şimalını aclıq həddinə çatdırıb.