BAKI, AzerVoice, Nailə Babazadə
G20 daha çox məsuliyyət üzərinə götürməlidir.
AzerVoice xəbər verir ki, bu sözləri Türkiyə Prezidenti Rəcəb Tayyib Ərdoğan G20 Liderlər Zirvəsi çərçivəsində keçirilən sessiyada çıxış edərəkən bildirib.
Ərdoğan, 2030 Davamlı İnkişaf Məqsədlərinə baxmayaraq, dünyada hər 10 nəfərdən birinin hələ də həddindən artıq yoxsulluqla üzləşdiyini vurğulayıb.
O, qlobal inkişaf yardımlarında yaşanan azalmaya diqqət çəkərək bildirib ki, 2024-cü ildə 9 faiz azalan beynəlxalq inkişaf yardımlarının 2025-ci ildə 17 faizə qədər düşəcəyi gözlənilir. Bu azalmanın xüsusilə Afrika üçün ciddi itkilərə səbəb olacağı qeyd olunub.
Ərdoğan çıxışında “Heç kimin geridə buraxılmadığı daha ədalətli bir qlobal iqtisadiyyat üçün G20-nin daha çox məsuliyyət üstlənməsi vacibdir” mesajını verib.