BAKI, AzerVoice, Orxan Qədirzadə
Suriyanın Hələb şəhər mərkəzində yerləşən qubernatorluq binası dron hücumuna məruz qalıb. Hücum binada qubernatorun mətbuat üçün brifinq keçirdiyi vaxt baş verib.
AzerVoice xəbər verir ki, ilkin məlumatlara görə, pilotsuz uçuş aparatı birbaşa qubernatorluq binasını hədəf alıb. Hadisə zamanı qubernatorun vəziyyəti və mümkün itkilər barədə rəsmi açıqlama verilməyib.
Təhlükəsizlik qüvvələri hadisə yerində geniş tədbirlər görüb, bina ətrafında mühafizə gücləndirilib. Hücumun arxasında hansı tərəfin dayandığı hələlik məlum deyil.
Suriya rəsmiləri insidentlə bağlı araşdırmanın başladığını bildiriblər. Əlavə məlumatın yaxın saatlarda açıqlanacağı gözlənilir.