BAKI, AzerVoice, Nailə Babazadə

Türkiyə Xarici İşlər Naziri Hakan Fidan 2 noyabr 2025-də İraqa rəsmi səfər edəcək. Səfər çərçivəsində ikitərəfli münasibətlər və bölgədəki aktual inkişaflar müzakirə olunacaq.

AzerVoice xəbər verir ki, Türkiyə Xarici İşlər Nazirliyinin mənbələrinin verdiyi məlumata görə, Nazir Fidan son dəfə 10 oktyabr 2025-də Ankarada İraq Baş nazirinin müavini və Xarici İşlər naziri Fuad Hüseyin ilə Su Ehtiyatları naziri Avn Diyab Abdullahı qəbul etmişdi. Bu dəfə Fidanın Bağdada həyata keçirəcəyi səfər həmin görüşdən üç həftə sonra baş tutacaq.

Diplomatik mənbələr bildirir ki, görüşlər zamanı ikitərəfli əlaqələr və yüksək səviyyəli təmasların intensivliyindən məmnunluq ifadə olunacaq. Həmçinin Türkiyənin İraqda sabitliyin, təhlükəsizliyin və rifahın möhkəmləndirilməsinə yönəlmiş addımları dəstəklədiyi vurğulanacaq. 11 noyabr 2025-də keçiriləcək İraq Nümayəndələr Məclisi seçkilərinin sülh və asayiş şəraitində baş tutması arzusunun ifadə olunması gözlənilir. Bununla yanaşı, Türkiyənin təbii tərəfdaşı olduğu İnkişaf Yolu Projesi diqqətə çatdırılacaq və İraq hakimiyyətlərinin “Terrorsüz Türkiyə Prosesi”nə verdiyi dəstək yüksək qiymətləndiriləcək.