BAKI, AzerVoice, Orxan Qədirzadə

ABŞ-nin Suriyaya qarşı tətbiq edilən sanksiyaları ləğv etməsində Türkiyə həlledici rol oynayıb.

AzerVoice xəbər verir ki, bu haqda İstanbulda keçirilən TRT World Forum 2025-də iştirak edən Suriya İnformasiya naziri Həmzə Əl Mustafa məlumat verib.

Nazir, foruma bu dəfə “yeni Suriya rəhbərliyini təmsil edən nümayəndə” kimi qatıldığını qeyd edib.

“Sanksiyaların ləğv edilməsi Suriya iqtisadiyyatının yenidən qurulmasını sürətləndirəcək”-deyə nazir bildirib.

Nazir əlavə edib ki, Türkiyənin Qərb və Vaşinqtonla əlaqələri bu prosesə ciddi təsir göstərib.

Nazir Əsəd rejiminin medianı təbliğat mərkəzi kimi istifadə etdiyini deyib.

“Keçmiş rejim illərlə məzhəbçilik üzərindən siyasət apardı, media orqanlarını ictimai təbliğat vasitəsinə çevirdi, yanlış məlumatlarla cəmiyyət daxili bölünmələri dərinləşdirdi” -deyə nazir bildirib.

Onun sözlərinə görə, yeni mərhələdə informasiya siyasəti obyektivlik, peşəkarlıq və ictimai barış prinsipləri üzərində qurulacaq.

Əl Mustafa deyib ki, uzun müddətdir Suriya haqqında təhrif olunmuş, stereotiplərə əsaslanan təsəvvürlər formalaşdırılıb.

“Xarici media əməkdaşlarının Suriya daxilində sərbəst məlumat toplaması üçün real imkan yaranıb. Biz oryentalist yanaşmaların deyil, həqiqi məlumatların təqdim olunmasını istəyirik”- deyə nazir bildirib.

Nazir bildirib ki, İnformasiya Nazirliyinin əsas vəzifəsi: məzhəbçi nifrət ritorikasını aradan qaldırmaq, cəmiyyəti vahid vətəndaşlıq kimliyi altında birləşdirmək, bərpa prosesində ictimai həmrəyliyi təmin etməkdir.

Əl Mustafa qeyd edib ki, Tramp administrasiyası sanksiyaların ləğvi ilə bağlı icra sənədini imzalayıb, lakin “Sezar Qanununun” Konqresdə ləğvi daha çətin proses olacaq.

Nazir bildirib: “Sanksiyaların qaldırılması xarici şirkətlərin Suriyaya sərmayə yatırmasını sürətləndirəcək və ölkə iqtisadiyyatına güclü təkan verəcək”.

Əl Mustəfa sabitlik və təhlükəsizlik bərpa olunduqca qaçqınların geri dönüşünün sürətlənəcəyini vurğulayıb: “Hökumət olaraq xaricdə yaşayan suriyalıl