BAKI, AzerVoice, Nailə Babazadə
Türkiyə Milli Müdafiə Nazirliyi (MSB), terrorçu İsrailin Qətərdə HƏMAS-ın danışıqlar heyətini hədəfə aldığı hücuma dair açıqlama verib.
AzerVoice xəbər verir ki, Nazirliyin Mətbuat və İctimaiyyətlə Əlaqələr müşaviri və sözçüsü Tuğamiral Zəki Aktürk, nazirlikdə keçirilən həftəlik mətbuat konfransında bu açıqlamanı səsləndirib.
“İsrail, Qətərə qarşı həyata keçirdiyi alçaq hücumla bölgədə hüquq tanımayan, beynəlxalq normaları ayaqlar altına alan hücumlarına bir yenisini əlavə etmişdir. Bu hücum qarşısında bütün imkanlarımızla Qətərin yanında olduğumuzu bir daha vurğulayırıq.”- deyə Aktürk qeyd edib.
Eyni zamanda Aktürk “İsrailin terrorizmi dövlət siyasətinə çevirdiyi, bölgədə sabitliyi daha da pozmağa çalışdığı, qarşıdurmalardan qidalandığı və sülhə açıq şəkildə qarşı olduğu bir daha ortaya çıxmışdır. Bu hücum İsrailin bu destruktiv siyasətinin növbəti nümunəsidir.”- deyə qeyd edib.
