BAKI, AzerVoice, Orxan Qədirzadə
İsrail ordusu Qəzzada hərbi əməliyyatları bərpa edib. AzerVoice xəbər verir ki, İsrail Baş naziri Benyamin Netanyahu təhlükəsizlik toplantısından sonra orduya Qəzzada hərbi əməliyyatları bərpa etməyi tapşırıb. Yerli media İsrail ordusunun ilk olaraq Rəfah şəhərinə hava hücumu həyata keçirdiyini bildirir.
Netanyahu qərarını “HƏMAS-ın atəşkəsi pozduğu” iddiası ilə əsaslandırıb.
Qeyd edək ki, İsrail ilə HƏMAS arasında 10 oktyabrda qüvvəyə minmiş qalıcı atəşkəs və əsir mübadiləsi anlaşması davam edirdi.
HƏMAS İsrailin hücuma başlaması səbəbilə bu gün təhvil veriləcək israilli əsirin cəsədinin təhvilini dayandırdığını açıqlayıb. Təşkilat, eskalasiyanın Qəzzədəki digər cəsədlərin tapılmasını və çıxarılmasını çətinləşdirəcəyini bildirib.