BAKI, AzerVoice, Nərmin Ağayeva
Türk Hava Yolları (THY) Çinə həftəlik sərnişin reyslərinin sayını 31-ə yüksəldəcəyini açıqlayıb.
AzerVoice xəbər verir ki, Türkiyə ilə Çin arasında imzalanan mülki aviasiya anlaşması çərçivəsində iki ölkə arasında həftəlik reyslərin sayı 21-dən 49-a qaldırılıb. Bu qərarın ardından THY Pekin, Şanxay və Quançjou istiqamətlərində mövcud 21 reysə əlavə 10 uçuş tezliyi əlavə edəcək. THY baş direktoru Bilal Ekşi sosial media paylaşımında 26 oktyabr 2025-ci ildən etibarən yeni tezliklərin həyata keçiriləcəyini bildirib.
Qeyd edək ki, THY hazırda Çində üç istiqamətə müntəzəm sərnişin reysləri həyata keçirir və yeni artım iki ölkə arasındakı hava nəqliyyatı əlaqələrini daha da gücləndirəcək.