BAKI, Azervoice, Nərmin Ağayeva
Türkiyə Prezidenti Rəcəb Tayyib Ərdoğan “Beynəlxalq Arxeologiya Simpoziumu və Arxeologiyanın Qızıl Çağı Sərgisi” proqramında mühüm açıqlamalar verib.
Azervoice xəbər verir ki, çıxışına keçmiş nazir və Samsun Böyükşəhər Bələdiyyə Başçısı Mustafa Dəmirə başsağlığı verərək başlayan Ərdoğan, Anadolu torpaqlarının insanlıq tarixinin ən qədim səhifələrinin yazıldığı məkanı olduğunu qeyd edib. O, Şanlıurfa vilayətində yerləşən Göbeklitəpənin Misir piramidalarından 7500 il əvvələ aid olduğunu vurğulayıb və milli mədəniyyətin köklərini burada axtarmağın vacibliyini qeyd edib.
Ərdoğan həmçinin, Türkiyənin arxeologiya sahəsində böyük irsə sahib olduğunu və bu sahədə geniş tədqiqatların aparıldığını bildirərək, bəşər tarixinə misilsiz töhfələr verdiklərini vurğulayıb. Cümhuriyyət dövründən etibarən bu sahədə atılan addımların geniş vüsət aldığını və hazırda ölkənin arxeologiya sahəsində aparıcı mövqedə olduğunu qeyd edib.
