BAKI, AzerVoice
Türkiyə parlamentində yaradılacaq komissiya ilə bağlı siyasi partiyalar arasında fikir mübadiləsi aparılıb.
AzerVoice xəbər verir ki, Türkiyə
Böyük Millət Məclisinin sədri Numan Kurtulmuş parlamentdə təmsil
olunan siyasi partiyaların qrup rəhbərləri və sədr müavinlərini
qəbul edib.
Rəsmi sosial media hesabından verilən açıqlamada qeyd olunub ki,
görüşdə “Terrorsuz Türkiyə” məqsədi ilə yaxın günlərdə yaradılması
planlaşdırılan və ilk iclasını keçirəcək komissiyanın iş üsulu və
proseduru müzakirə olunub. Kurtulmuş bu prosesdə Məclisin vahid
mövqe nümayiş etdirməsinin vacibliyini vurğulayıb.
Qeyd edək ki, görüşdə AK Partiya, CHP, DEM Partiyası, MHP və YRP təmsilçiləri iştirak edib. İYİ Partiya isə komissiyaya üzv göndərməyəcəyini və iştirak etməyəcəyini bəyan edib.
