BAKI, AzerVoice
ALPİN-2 pilotsuz helikopteri yeni mühərriklə təchiz olunub.
AzerVoice xəbər verir ki, Türkiyənin
ilk pilotsuz helikopteri olan ALPİN-in inkişaf etdirilmiş versiyası
– ALPİN-2 daha güclü mühərriklə və yerli avtopilot sistemləri ilə
təchiz olunub.
Bu yenilik platformanı uzunmüddətli və mürəkkəb əməliyyatlar üçün
daha dayanıqlı və effektiv hala gətirib.
ALPİN-2 helikopteri 22-27 iyul tarixlərində İstanbulda keçiriləcək IDEF 2025 – Beynəlxalq Müdafiə Sənayesi Sərgisində təqdim ediləcək. Mühəndislik təkmilləşdirmələri nəticəsində yeni nəsil pilotsuz uçuş aparatı yerli proqram təminatı, naviqasiya sistemləri və aerodinamik dizayn baxımından bir çox yeniliyi özündə birləşdirir.
Qeyd edək ki, ALPİN-2 xüsusilə tıxanma mühitlərində icra olunan missiyalar üçün nəzərdə tutulub. Yeni kran sistemi sayəsində yük daşımaları daha səmərəli şəkildə helikopterin daxilindən yerinə yetiriləcək. Əvvəllər bu əməliyyatlar xarici qarmaqlarla həyata keçirilirdi.
TİTRA Texnologiyası tərəfindən hazırlanan və Pasifik Teknolojinin müdafiə bölməsi olaraq inkişaf etdirilən bu sistem həm performans, həm texniki qulluq, həm də kibertəhlükəsizlik baxımından Türkiyənin öz resurslarına əsaslanır. Yüksək güclü yeni mühərrik ALPİN-2-ni kritik hava əməliyyatlarında əvəzolunmaz edir.
