BAKI, AzerVoice
Cari ilin iyun ayında Hindistan 1 839 milyard dollar dəyərində qızıl idxal edib.
AzerVoice xəbər verir ki, bu barədə ölkənin Ticarət və Sənaye Nazirliyi məlumat verib.
Bu rəqəm ötən ilin iyun ayı ilə müqayisədə 26%, cari ilin may ayı ilə müqayisədə isə 28% azdır.
Düşüşün əsas səbəbi ölkə daxilində zəif tələbatla bağlıdır. Dünya Qızıl Şurasının (World Gold Council) analitiki Kavita Çakonun daha əvvəl bildirdiyinə görə, aprel və may aylarında baş tutan toy mövsümündən sonra zinət əşyalarına olan tələbat zəifləyib. May ayında xüsusilə iri pərakəndə satış şəbəkələrindəki endirimlər mağazalara marağı artırsa da, alıcılar alış-verişi əsasən ehtiyac üzündən ediblər. Bunun əksinə olaraq, külçə və sikkələrə olan investisiya yönümlü tələbat sabit olaraq qalır, bu kateqoriya ümumi istehlak tələbinin təxminən 30 faizini təşkil edir və qiymətlərin müsbət dinamikası fonunda davam edir.
Ümumilikdə, 2025-ci ilin ilk yarısında Hindistanın qızıl idxalı 16 987 milyard dollar təşkil edib ki, bu da ötən ilin eyni dövrü ilə müqayisədə 5 faiz azdır.
Qeyd edək ki, Hindistan dünyada qızılın ən böyük istehlakçılarından biri olsa da, özü bu metaldan demək olar ki, hasil etmir.
