BAKI,
AzerVoice
KAAN-la maraqlanan başqa ölkələr də var.
AzerVoicexəbər verir ki, Türkiyə
Müdafiə Sənayesi Komitəsinin rəhbəri Haluk Görgün milli döyüş
təyyarəsi KAAN layihəsi ilə bağlı əhəmiyyətli açıqlamalarla çıxış
edib.
O, KAAN-ın sadəcə bir təyyarə deyil, “çox yüksək texnologiyaya
malik sistemlər sistemi” olduğunu bildirib.
Türk Aerokosmik Sənaye A.Ş.-nin (TUSAŞ) əsas podratçısı olduğu layihənin sınaq uçuşlarının plan üzrə davam etdiyini bildirən Görgün, həm Türkiyə Hərbi Hava Qüvvələri, həm də İndoneziya üçün kütləvi istehsala başlandığını açıqlayıb. Onun sözlərinə görə, Müdafiə Sənayesi Komitəsi ilkin olaraq 6 ədəd KAAN sifariş verib, ümumilikdə isə 48 təyyarə üçün müqavilələr imzalanıb.
Görgün bildirib ki, “KAAN yerli mühərriklə ixrac ediləcək” və İndoneziyaya göndəriləcək KAAN təyyarələrində Türkiyədə hazırlanan mühərriklər istifadə olunacaq. O, əlavə edib ki, layihə ilə maraqlanan başqa ölkələr də mövcuddur və beynəlxalq tərəfdaşlıqlar üçün danışıqlar davam edir.
Qeyd edək ki, Haluk Görgün çıxışında Türkiyənin müdafiə sənayesində son illərdə əldə etdiyi uğurlara da toxunub. Onun sözlərinə görə, sənayedə yerli istehsal nisbəti 80 faizi keçib, ixracat 7,1 milyard dollara çatıb və 90 minə yaxın insan bu sahədə çalışır. KAAN layihəsi isə həm Türkiyənin hərbi gücünü artırmaq, həm də ixrac imkanlarını genişləndirmək baxımından strateji əhəmiyyət daşıyır.
