BAKI, AzerVoice, Orxan Qədirzadə
Səudiyyə Ərəbistanının Təbuk bölgəsində yerləşən Cəbəl əl-Lavz dağında güclü qar yağışı müşahidə olunub. Qısa müddətdə yağan intensiv qar dağın yüksək ərazilərini ağ örtüklə bürüyüb, bölgədə hava şəraitinin kəskin dəyişdiyini bildirilir.
AzerVoice xəbər verir ki, yerli mənbələrin məlumatına görə, qar yağışı bölgədə hava temperaturunun əhəmiyyətli dərəcədə enməsi fonunda baş verib. Hadisə sosial şəbəkələrdə geniş əks-səda doğurub, istifadəçilər Cəbəl əl-Lavzun ağ örtüyə bürünmüş görüntülərini paylaşıblar.
Rəsmi qurumlar sürücülərə və dağa səfər edənlərə ehtiyatlı olmaları barədə xəbərdarlıq edib. Meteoroloji qurumlar isə Təbuk bölgəsində yaxın günlərdə dəyişkən hava şəraitinin davam edəcəyini bildirir.