BAKI, AzerVoice
İsrailin İrana qarşı hücumları Baş nazir Benyamin Netanyahunun rəhbərlik etdiyi administrasiyanın Yaxın Şərqin təhlükəsizliyi üçün ən böyük təhdid olduğunu göstərir.
AzerVoice xəbər verir ki, bunu Türkiyə Prezidenti Rəcəb Tayyib Ərdoğan Qətər Əmiri Şeyx Təmim bin Həməd Al Tani ilə telefon danışığı zamanı deyib.
Ərdoğan, İsrailin İrana hücumundan sonra Ankaranın intensiv diplomatik təmaslara başladığını və gərginliyə son qoymaq üçün səylərini davam etdirəcəyini qeyd edib. O, Netanyahunun bölgənin təhlükəsizliyi üçün ən böyük təhlükə olduğunu bir daha nümayiş etdirdiyini vurğulayıb.
Ərdoğan, həmçinin İsrailin İrana hücumunun Qəzzada yaşanan humanitar böhranı və soyqırımı ikinci plana keçirdiyini bildirib və bu proseslərə Suriyanın cəlb edilməsinə yol verilməməsinin vacibliyini xüsusi qeyd edib.
