BAKI, AzerVoice
Türkiyə, Suriyaya hərbi təlim və məsləhət xidməti göstərərək onun müdafiəsini gücləndirir.
AzerVoice xəbər verir ki, bu sözləri Türkiyə milli müdafiə naziri Yaşar Gülər deyib.
Nazir, Suriyada münaqişənin qarşısını almağa yönələn səylər çərçivəsində İsraillə texniki səviyyədə danışıqların davam etdiyini, lakin bunun İsraillə normallaşma mənasına gəlmədiyini vurğulayıb.
Yaşar Gülər NATO Müdafiə Nazirləri Toplantısı üçün Brüsselə səfəri çərçivəsində Türkiyənin NATO Daimi Nümayəndəliyinə baş çəkib.
Milli Müdafiə Nazirliyinin sosial media hesabından verilən məlumata görə, Gülər NATO qərargahına gələrkən ilk olaraq Daimi Nümayəndəliyə baş çəkərək işlər barədə məlumat alıb.
Daha sonra Gülər, NATO Türkiyə Əsgər və Təmsil Heyətinə də baş çəkərək oradakı heyətlə görüşüb.
