BAKI, AzerVoice
İstanbul Böyükşəhər Bələdiyyəsi ilə bağlı korrupsiya istintaqı çərçivəsində üçüncü əməliyyat dalğası həyata keçirilib.
AzerVoice xəbər verir ki, İstanbul Baş
Prokurorluğunun apardığı istintaq çərçivəsində İstanbul Böyükşəhər
Bələdiyyəsi (İBB) əməkdaşları, şirkət nümayəndələri və digər
şəxslər daxil olmaqla 22 nəfər barəsində həbs, axtarış və müsadirə
qərarı verilib.
İddialara görə, Taner Çətin adlı şəxsə yaxın şirkətlər tenderlərdə
qalib gəlib və əldə olunan mənfəətdən rüşvət kimi istifadə edilərək
əmlak alınıb. Həmin vəsaitlərin Medya A.Ş. və Kültür A.Ş.
vasitəsilə ötürüldüyü bildirilir.
Qeyd edək ki, Taner Çətinin əvvəllər Beylikdüzü Bələdiyyəsində çalışdığı və İstanbul Böyükşəhər Bələdiyyə Başçısı Əkrəm İmamoğluna yaxın şəxs olduğu iddia olunur.
