BAKI, AzerVoice
Türkiyə, terrorun qaranlığını arxada qoyaraq hüquq dövləti prinsiplərinə sadiq şəkildə, yüksək standartlı demokratiya və milli həmrəylik yolu ilə irəliləməyə davam edəcək.
AzerVoice xəbər verir ki, Türkiyənin Ədliyyə naziri Yılmaz Tunç, PKK terror təşkilatının silah buraxaraq özünü buraxması ilə bağlı açıqlama verib.
Tunç bildirib ki, terror uzun illərdir ölkənin inkişafının, milli birliyin və vətəndaş həmrəyliyinin qarşısında duran ən böyük əngəllərdən biri olub və bu mərhələnin geridə qalması gələcək üçün ümidverici siqnaldır.
“Vətənimizin bütövlüyü, bayrağımızın azad dalğalanması və minlərlə qəhrəman övladımızın canı bahasına aparılan bu mübarizə artıq öz nəticəsini verir,” – deyə nazir vurğulayıb.
Tunç, terrorla mübarizədə şəhid olan bütün qəhrəmanları rəhmət və minnətlə anıb, qazilərə təşəkkürlərini çatdırıb və onların ailələrinə səbir və başsağlığı diləyib.
