BAKI, AzerVoice

İstanbul zəlzələsində insan tələfatı və dağıntı qeydə alınmayıb.

AzerVoice xəbər verir ki, Türkiyənin Fövqəladə Hallar və Fövqəladə Halların Rəhbərliyi (AFAD) İstanbul və ətraf vilayətlərdə baş verən zəlzələlərdən sonra ilkin məlumatları açıqlayıb.

Qurumun məlumatına görə, aparılan sahə araşdırmaları və 112 Təcili Zəng Mərkəzinə daxil olan hesabatlar əsasında hələlik insan tələfatı və dağıntı qeydə alınmayıb.

AFAD zəlzələnin bu gün yerli vaxtla saat 12:49-da Marmara dənizinin Silivri sahillərində 6,2 bal gücündə baş verdiyini və İstanbul, Tekirdağ, Yalova, Bursa və Balıkəsirdə də güclü şəkildə hiss olunduğunu bildirib.

Təcili olaraq Türkiyə Fəlakətlərə Müdaxilə Planı (TAMP) aktivləşdirilib və bütün aidiyyəti qurumların nümayəndələri AFAD Başçılığı nəzdindəki Fəlakət və Təcili Yardım Mərkəzinə toplaşıblar.

Qeyd edək ki, İstanbulun Silivri sahillərində baş verən 6,2 bal gücündə zəlzələ şəhərdə və ətraf vilayətlərdə güclü şəkildə hiss olunub. Hadisə nəticəsində can itkisi qeydə alınmasa da, çaxnaşma səbəbindən yüksəklikdən tullanaraq xəsarət alanlar olub. Hazırda aidiyyəti qurumlar vəziyyəti nəzarətdə saxlayır.