Bakı, AzerVoice
Türkiyə prezidentinin baş müşaviri Yalçın Topçu, vəfatlarının ildönümündə Ömər Seyfəddin və Məhəmməd Əmin Rəsulzadəni yad edib.
AzerVoice xəbər verir ki, bu haqda Yalçın Topçunun verdiyi açıqlamada deyilir.
"Milli ədəbiyyatımızın öncüllərindən Ömər Seyfəddini və Azərbaycan Xalq Cümhuriyyətinin qurucusu Məhəmməd Əmin Rəsulzadəni rəhmət, ehtiram və minnətlə anırıq" - deyə Yalçın Topçu bildirib və sözlərini belə davam etdirib:
6 Mart - millətimizin iki böyük övladının vəfatının ildönümüdür!..
"Bu millət alim deyil, amma arifdir. Bu irfanı sayəsində bir çox şeyi oxumuşlardan daha yaxşı fərq edir və bilir." - deyən, milli və mənəvi dəyərlərimizi önə çıxaran əsərləri ilə könüllərdə taxt quran, milli ədəbiyyatımızın qurucularından, milli mübarizəmizin simvol isimlərindən, şair, yazıçı, əsgər, baytar və müəllim Ömər Seyfəddindir.
Ömər Seyfəddin demişdi ki, Türklüyə qəsd edən düşmənlər, xain niyyətlərinə xidmət etmək üçün həmişə milliyyətsiz, istəkləri ilə yaşayan, müqəddəsatı tanımayan, əsaslarını inkar etmiş varlıqları axtarıb tapırlar. Onun bu sözlərinin bu gün də nə qədər aktual olduğunu həyatın hər sahəsində görürük. Onun "Qorxma, sən Türksən! Türklər heç vaxt, heç yerdə, heç nədən qorxmazlar!" və "Bir millətin təbii sərhədləri dağlar və çaylar deyil. O millətin lisanı və dini sərhədləridir." sözlərini daim xatırlayaraq, ölkəmiz və bütün coğrafiyamız üçün imperialist və sionist ittifaqa və onların piyonlarına qarşı sinəmizi sipər edirik!..
Milli ədəbiyyatımızın öncüllərindən, fikir adamı Ömər Seyfəddini vəfatının ildönümündə rəhmət, ehtiram və minnətlə anırıq.
İkincisi...
"Sən bizimsən, bizimsən durduqca bədəndə can, yaşa, yaşa, çox yaşa, ey şanlı Azərbaycan!" - hayqırtısı və "Bir dəfə yüksələn bayraq, bir daha enməz!" sözlərinin haqqını verən Can Azərbaycanın qəhrəman xalqı, Azərbaycan torpağı Qarabağı erməni işğalından azad etmişdir.
Böyük Atatürk ona, 28 may 1918-ci ildə göndərdiyi mesajında: "Mən dünyaya səndən üç il əvvəl göz açmışam. Ancaq Türk aləmində Türkün bayrağını sən qaldırmısan və bayraq enməsin deyə, mən sənin əlindən alıb Türkiyə üzərində dalğalandırmışam. 'Enməz!' demisən bu bayraq, enməyəcəkdir!" - deyə yazdığı, Türk dünyasının böyük övladı Məhəmməd Əmin Rəsulzadə, 6 mart 1955-ci ildə vəfat etmiş, məzarı Ankarada, Cəbəci Asri məzarlığındadır. Onu hörmət, rəhmət və minnətlə anırıq.
