BAKI, AzerVoice, Nailə Babazadə
İstanbul Valiliyi, İsrailə dəstək açıqlamaları ilə tanınan Əlcəzair əsilli fransız müğənni Enriko Masyasın konsertinin keçirilməyəcəyini bildirib.
AzerVoice xəbər verir ki, Masyasın 5 sentyabr Cümə günü Harbiye Açıqhava Səhnəsində planlaşdırılan tədbiri, geniş ictimai etirazlar və boykot çağırışları səbəbilə rəsmən ləğv olunub.
Valiliyin açıqlamasında qərarın, şəhərdə ictimai asayişin qorunması və potensial gərginliklərin qarşısının alınması məqsədilə verildiyi vurğulanıb.
Sənətçinin konsertinə qarşı sosial mediada başlayan etiraz kampaniyaları, müxtəlif ictimai və mədəni qurumların da dəstəyi ilə sürətlə yayılmışdı. Bunun ardınca tədbirin ləğvi ilə bağlı tələb və çağırışlar gündəmə gəlmişdi.
