BAKI,AzerVoice, Fərid Mikayılov

İstanbul Sabiha Gökçen Hava Limanı İdarəetmə və Aviasiya Sənayesi ASC (HEAŞ) tərəfindən 24 ay müddətinə mühafizə xidməti alınması üçün tender elan olunub.

Tenderdə yerli və əcnəbi şirkətlər iştirak edə bilər. Layihə çərçivəsində 1 layihə rəhbəri, 4 növbə rəisi və 357 mühafizəçi olmaqla ümumilikdə 362 nəfərlik heyət ilə xidmət göstəriləcək.

Tender iştirakçıları aşağıdakı meyarlara sahib olmalıdırlar:

- Türkiyə Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklər olmamalı;

- Müvafiq sahibkarlıq fəaliyyəti növünün həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olmalı;

- Müflis elan olunmamalı, məhkəmənin qərarı ilə kommersiya fəaliyyəti dayandırılmış şəxs olmamalıdır.

Tender təklifinin təqdim edilməsinin son tarix vaxtı:

- Tender təklifləri 1 yanvar 2026-cı il tarixinə qədər "Sabiha Gökçen Havaalanı HEAŞ Genel Müdürlük Binası -A- Blok 34912 Kurtköy - Pendik / İstanbul" ünvanına bağlı və küncləri möhürlənmiş zərflər şəklində təqdim edilməlidir