BAKI, AzerVoice
Suriyanın paytaxtı Dəməşqdə təhlükəsizlik qüvvələri tərəfindən Fələstin Xalq Azadlıq Cəbhəsinin baş katibi Talal Nadji saxlanılıb.
AzerVoice xəbər verir ki, bu barədə Suriya televiziyası məlumat yayıb.
Məlumata görə, fələstinli mənbələr Nadjinin saxlanıldığını təsdiqləyib və bildirib ki, onun evinə videomüşahidə qurğuları yerləşdirilmişdi.
Qeyd edək ki, mayın 1-də Suriya höküməti fələstinli fraksiyaların nümayəndələrinə ölkə ərazisində, xüsusən də fələstin düşərgələrində silah yayılmasına nəzarət etmək niyyətində olduqlarını bildirib.
Bundan əvvəl, aprelin 21-də Suriya təhlükəsizlik qüvvələri tərəfindən, Dəməşqdə fələstinli “İslami Cihad” təşkilatının iki lideri – Suriyadakı rəsmi nümayəndəsi Xalid Xalidi və təşkilat komitəsinin rəhbəri Əbu Əli Yasir saxlanılmışdı.