BAKI, AzerVoice
Asiya Futbol Konfederasiyası (AFC) Millətlər Liqası turnirinin yaradılması barədə rəsmi elan yayıb.
AzerVoice-un məlumatına görə, bu barədə təşkilatın Mətbuat Xidməti məlumat verib.
Bildirilib ki, yeni turnirin əsas məqsədi milli komandalar arasında rəqabət səviyyəsini artırmaq, eyni zamanda kommersiya imkanlarını genişləndirməkdir. Layihənin icrasına yaxın vaxtlarda başlanacağı qeyd olunsa da, dəqiq tarixlər açıqlanmayıb. Turnirin FIFA-nın mövcud beynəlxalq oyun pəncərələri çərçivəsində keçiriləcəyi vurğulanıb.
Hazırda AFC dörd ildən bir təşkil olunan Asiya Kubokuna ev sahibliyi edir. Növbəti Asiya Kuboku 2027-ci ildə Səudiyyə Ərəbistanında 24 milli komandanın iştirakı ilə keçiriləcək.
Qeyd edək ki, indiyədək UEFA və CONCACAF da öz Millətlər Liqası turnirlərini təşkil ediblər.