BAKI, AzerVoice
Marko Verratti DÇ-2026-nın seçmə mərhələsinin pley-off oyunları üçün İtaliya millisinə geri qayıtmaq istəyir.
AzerVoice "Tuttomercato"ya istinadən xəbər verir ki, “Əl-Duhail”in yarımmüdafiəçisi İtaliya millisinə geri dönüşünü istisna etməyib.
33 yaşlı futbolçu artıq milli komandaya kömək etmək istəyi barədə Azzurrinin baş məşqçisi Gennaro Qattuzoya məlumat verib.
Martın 26-da italyanlar pley-off mərhələsinin yarımfinalında Şimali İrlandiya ilə üz-üzə gələcək.
O, sonuncu dəfə 2023-cü ilin martında İtaliya millisinə çağırılıb. Veratti Azzurri üçün 55 oyunda iştirak edib.
33 yaşlı futbolçu “Peskara”, PSJ, “Əl-Arabi” klublarında da oynayıb.