BAKI, AzerVoice, Fərid Mikayılov

Almaniya Bundesliqasının son çempionu Bavariya, Çelsinin gənc hücumçusu Tyrique Corc ilə maraqlanır. Lakin transferin baş tutması üçün klubun önündə ciddi maneə dayanır.

AzerVoice xəbər verir ki, Bavariya həmçinin “zadəganlar”ın hücumçusu Nikolas Ceksonu da icarəyə götürmək niyyətindədir.

Çelsinin yalnız bir futbolçunu daha icarəyə göndərmək limiti olduğu üçün, əgər almanlar Ceksonu icarəyə götürmək istəyirlərsə, Corcu yalnız birdəfəlik transfer əsasında ala bilərlər.

Çelsi, klubun ən parlaq gənc istedadlarından biri sayılan Tyrique Corc üçün qiymətini 23 milyon avroya (20 milyon funt/27 milyon dollar) endirib və müqaviləyə 30 faizlik gələcək satışdan pay maddəsi əlavə etməyə hazırdır.

Bu isə Roma və RB Leyptsiqin diqqətini daha da artırıb. İtaliya təmsilçisi Corcu əsas hədəf elan edib, Leytspiq isə Xavi Simonsun Tottenhama keçidindən sonra danışıqları sürətləndirib.

Çelsi ilə iki illik karyerası demək olar ki, başa çatan Nikolas Ceksonun agenti də futbolçunun Almaniya, İngiltərə və İtaliyadan təkliflər aldığını təsdiqləyib. Onun sözlərinə görə, seçimlər çoxdur, qərar yaxın günlərdə veriləcək.