BAKI, AzerVoice, Nailə Babazadə
G7 ölkələrinin xarici işlər nazirləri, qlobal məsələləri müzakirə etmək və beynəlxalq əməkdaşlığı gücləndirmək məqsədilə Kanadanın ev sahibliyi etdiyi zirvə görüşündə bir araya gəlir.
AzerVoice xəbər verir ki, Kanada hökumətinin açıqlamasına görə, zirvə Kanada, ABŞ, Fransa, Almaniya, İngiltərə, İtaliya, Yaponiya və Avropa İttifaqının (AB) nümayəndələrini bir araya gətirir.
Ontario əyalətinin Niagara bölgəsində iki gün davam edəcək görüş, qlobal məsələlərin müzakirəsi və ölkələr arasındakı əməkdaşlığın gücləndirilməsi məqsədilə keçirilir.
Kanada Xarici İşlər Naziri Anita Anand jurnalistlərə bildirib ki, iştirakçılar bu axşam işgüzar nahar zamanı görüşəcəklər.
Anand görüşdə Yaxın Şərqdə uzunmüddətli sülh və sabitliyin təşviqi, Hind-Sakit okean regionunda təhlükəsizliyin dəstəklənməsi və Haiti ilə Sudandakı təcili böhranlara cavab verilməsi kimi vacib məsələlər üzrə konstruktiv fikir mübadiləsi aparacaqlarını bildirib.