BAKI, AzerVoice
Bakıda keçirilən UFC turnirində üçüncü döyüş baş tutub.
AzerVoice-un məlumatına görə, turnir Bakı Kristal Zalında keçirilir.
Turnirin üçüncü görüşü yarım yüngül çəkidə mübarizə aparan İrina Alekseyeva (Rusiya) ilə Klaudiya Siqula (Polşa) arasında baş tutub.
Üç raundun sonunda polşalı idmançı qələbəyə sevinən tərəf olub.
Qeyd edək ki, gecənin əsas döyüşləri saat 23:00-dan etibarən start götürəcək. Əsas qarşılaşma keçmiş UFC yarım ağır çəki çempionu Camal Hill ilə keçmiş titul iddiaçısı Xalil Rauntri arasında olacaq. Gecənin ikinci ən vacib döyüşü Azərbaycan təmsilçisi Rafael Fiziyevlə çilili İqnasio Bahamondes arasında yüngül çəkidə baş tutacaq.
Turnir çərçivəsində, həmçinin Azərbaycan təmsilçiləri Nazim Sadıxov və Tofiq Musayev də oktaqona çıxacaqlar. Onlar, müvafiq olaraq, braziliyalı Nikolas Motta və qırğızıstanlı Mıqtıbek Orolbayla qarşılaşacaqlar.