BAKI,AzerVoice, Fərid Mikayılov

UFC-nin iki çəki dərəcəsində sabiq çempionu Konor Makqreqor İrlandiya prezident seçkilərində iştirakdan imtina etdiyini açıqlayıb.

AzerVoice xəbər verir ki, Makqreqor X hesabında yayımladığı bəyanatda ailəsi ilə müzakirələrdən sonra bu qərarı verdiyini bildirib.

“Bu seçkilərdə namizədliyimi geri götürürəm. Qərar çətin idi, lakin indiki mərhələdə düzgün olduğuna inanıram. Bu son deyil – gələcəkdə yenidən kampaniya apararaq sizin hüquqlarınızı müdafiə edəcəyəm”- deyə o bildirib.

İrlandiyada prezident seçkiləri 2025-ci il noyabrın 11-də keçiriləcək. 2011-ci ildən bu vəzifəni Mişel Higgins icra edir.

Makqreqor 2018-ci ildə qadına qarşı zorakılıq ittihamı ilə bağlı məhkəmə qərarından verdiyi apellyasiyanı uduzmuşdu. Məhkəmə ona 250 min avro təzminat və 1,3 milyon avro məhkəmə xərclərini ödəməyi məcburi etmişdi. Bundan sonra idmançı konstitusiyaya dəyişiklik edilməsi üçün petisiya başladaraq, məhkumluğuna baxmayaraq prezidentliyə namizəd olmaq istəyini gündəmə gətirmişdi.

Qeyd edək ki, Makqreqor 2013-cü ildə UFC-də debüt edib və 14 döyüş keçirib. 2016-cı ildə o, UFC tarixində eyni anda iki çəki dərəcəsində çempion titulunu qazanan ilk döyüşçü olub. Onun son döyüşü 2021-ci ilin iyulunda ABŞ-da UFC 264 turnirində Dastin Poryeyə qarşı baş tutub. Makqreqor ilk raundda ayağından aldığı zədə səbəbindən texniki məğlubiyyətlə uduzub.