BAKI, AzerVoice, Fərid Mikayılov
Birləşmiş Ərəb Əmirliklərini təmsil edən yeni UFC orta çəki çempionu Xamzat Çimayev növbəti titul döyüşündə qarşılaşacağı rəqibini açıqlayıb.
AzerVoice xəbər verir ki, döyüşçü sosial şəbəkə hesabında qısa “RDR” yazaraq hollandiyalı Reniye de Ridderə işarə edib.
Çimayevin nəzərdə tutduğu rəqib hollandiyalı qarışıq döyüş ustası Reniye de Ridderdir.
O, vaxtilə ONE Championship-də orta və yarım ağır çəkidə çempion tituluna sahib olub. Sonuncu dəfə iyulun 26-da Əbu-Dabidə keçirilən UFC on ABC 9 turnirində Robert Uittakerə qarşı döyüşüb və 5 raundluq gərgin qarşılaşmada qalib gəlib (48:47, 48:47, 47:48).
Xatırladaq ki, Çimayev avqustun 17-dən 18-nə keçən gecə Çikaqoda (ABŞ, İllinoys ştatı) “United Center” arenasında keçirilən UFC 319 turnirində cənubi afrikalı Drikus dü Plesiyə qarşı döyüşərək titul qazanıb.
