BAKI, AzerVoice, Fərid Mikayılov

Qazaxıstanlı UFC döyüşçüsü Şavkat Raxmanovun yaxın aylarda oktaqona qayıdacağı açıqlanıb.

AzerVoice xəbər verir ki, onun məşqçisi Eduard Bazrov döyüşçünün qış mövsümündə rinqə çıxmağa hazırlaşdığını bildirib.

“Şavkat ən geci gələn ilin əvvəlində geri dönməyə köklənib. Hazırda hazırlıqlarını buna uyğun planlaşdırırıq. İlk beşlikdə çox güclü rəqiblər var”- deyə o bildirib.

Raxmanov ötən il UFC 310 turnirində Belal Məhəmmədlə titul döyüşünə çıxmalı idi. Lakin sümük infeksiyasına görə qarşılaşmadan imtina etmişdi.

Bu il UFC 315-də yenidən kəmər üçün mübarizə aparmaq imkanı doğsa da, bu dəfə də qazax döyüşçü zədələndi. Beləliklə, titul uğrunda mübarizəyə avstraliyalı Cek Della Maddalena çıxdı və qalib gələrək çempion oldu.

Daha sonra Şavkatın Maddalenaya qarşı döyüşü gündəmə gəldi. Ancaq keçmiş yüngül çəki çempionu İslam Maxaçevin çəkisini dəyişməsi ilə titul şansı ona verildi. Raxmanovun komandası isə Maxaçev–Maddalena duelinin qalibi ilə qarşılaşmağa hazır olduqlarını açıqladı.