BAKI, AzerVoice

ABŞ-ın tanınmış MMA döyüşçüsü, UFC-nin keçmiş müvəqqəti yüngül çəki çempionu Toni Ferqyuson rusiyalı keçmiş UFC çempionu Həbib Nurməhəmmədovla döyüşmək istədiyini açıqlayıb.

AzerVoice xəbər verir ki, Ferqyuson bu döyüşün ABŞ-ın siyasi simvollarından biri olan Ağ Evdə baş tutmasının mümkün olduğunu bildirib.

“Həbiblə Ağ Evdə döyüşmək istərdim və əminəm ki, o da bunu istəyərdi. Onun atası deyirdi ki, keçirilməli olan yeganə döyüş mənimlə Xabibin qarşılaşmasıdır”- deyə o bildirib.

Xatırladaq ki, ABŞ prezidenti Donald Tramp UFC-nin Ağ Evdə keçiriləcək xüsusi turnirinin planlaşdırıldığını açıqlayıb. Trampın sözlərinə görə, bu turnir 2026-cı ildə ABŞ-ın müstəqilliyinin 250 illik yubileyi çərçivəsində təşkil edilə bilər. UFC prezidenti Dana Uayt da açıqlamasında turnirdə Con Cons, Konor Makqreqor kimi ulduzların da yer alacağını bildirib.

Həmçinin qeyd edək ki, Ferqyuson bu ilin 30 avqustunda İngiltərənin Mançester şəhərində keçiriləcək “Misfits Boxing 22” turniri çərçivəsində bloqer və boksçu Salt Papi (Nataniyel Bustamante) ilə peşəkar boks debütünü edəcək.