BAKI, AzerVoice

Fənərbağça klubunda baş məşqçi məsələsi ciddi müzakirə mövzusuna çevrilib.

AzerVoice xəbər verir ki, klub rəhbərliyi ilə portuqaliyalı baş məşqçi Joze Mourinyo arasında təzminat gərginliyi yaşanır.

Əgər ayrılıq baş tutarsa, onu əvəz edəcək ən güclü namizədin Zineddin Zidan olduğu bildirilir.

Joze Mourinyo indiyədək çalışdığı klublardan ümumilikdə 85,5 milyon funt sterlinq təzminat alaraq bu sahədə dünya rekordu qazanıb. Əgər Fənərbağçadan da qovulsa, əlavə 15 milyon avro alacaq. Klub isə bu məbləği ödəmədən Mourinho ilə yollarını ayırmaq istəyir.

Mourinho-nun da Fənərbağçadan ayrılmaq istədiyi, lakin müqaviləsi davam etdiyi üçün ayrılığın maddi yük daşıdığı qeyd olunur. Dünən mediada yayılan xəbərə görə, Mourinho Portuqaliya milli komandası ilə razılığa gəlib. Lakin bu məlumat Portuqaliya Futbol Federasiyası tərəfindən dərhal təkzib edilib.

Mourinyonu əvəzləyəcək əsas namizəd Zineddin Zidan 2021-ci ildən bəri heç bir klub çalışdırmır. O, Real Madrid prezidenti Florentino Perez ilə yaşadığı fikir ayrılıqları səbəbindən futboldan müvəqqəti uzaqlaşıb. Lakin üç dəfə Çempionlar Liqası qalibi olan Zidane Fənərbağça rəhbərliyinin əsas arzusudur.