BAKI,AzerVoice, Fərid Mikayılov
UEFA-nın yeni tətbiq etdiyi qaydaya əsasən, Liverpul gələn mövsüm Çempionlar Liqasında Real Madridi evdə qəbul edə bilməyəcək.
AzerVoice xəbər verir ki, qaydaya görə, eyni komandalar üç mövsüm ardıcıl olaraq turnirdə qarşılaşarsa, eyni stadionda eyni ev sahibi təkrarən seçilə bilməz.
Bu, Liverpul və Real Madrid üçün də keçərlidir. Liverpul ötən mövsüm Enfielddə Madrid klubunu 2:0 hesabı ilə məğlub etmişdi, bu mövsüm isə yenidən İngiltərədə qarşılaşacaqlar.
Beləliklə, 2026/27 mövsümündə tərəflər yenidən üz-üzə gəlsələr, ev sahibi statusu dəyişəcək və Real Madrid rəqibini Santyaqo Bernabeuda qəbul edəcək.
Qeyd edək ki, indiyədək Çempionlar Liqasında iki komanda 12 dəfə üz-üzə gəlib. Bu görüşlərin 7-də Madrid təmsilçisi qalib gəlib, 4-də Liverpul qələbə qazanıb, 1 oyun isə heç-heçə başa çatıb.
Hazırkı mövsümdə Premyer Liqanın çempionu Arne Slotun komandası ilə Xabi Alonsonun rəhbərlik etdiyi Real Madrid arasında qarşılaşma 4 noyabr tarixində Anfildə keçiriləcək.
