BAKI, AzerVoice
Almaniya Bundesliqasının nəhəngi "Bayern" Münhen, səfərdə "Leiptsiq" ilə 3:3 hesabla heç-heçə edib və çempionluğunu rəsmi şəkildə elan edə bilməyib.
AzerVoice xəbər verir ki, matçın ilk hissəsində "Leyptsiq" Benjamin Sesko və Lukas Klostermannın qolları ilə 2:0 hesabı ilə üstünlük əldə edib.
İkinci hissəyə sürətli başlayan "Bayern" Münhen, 62-ci dəqiqədə Erik Dier, ardınca 63-cü dəqiqədə Maykl Olise ilə iki dəqiqə ərzində iki qol vuraraq hesabı bərabərləşdirib. 83-cü dəqiqədə Leroy Sane ilə hesabı 3:2 edən "Bayern" oyunun sonuna qədər üstünlüyü qorumağa çalışıb.
Lakin "Leiptsiq" 90+4-cü dəqiqədə Yussuf Poulsenin qolu ilə hesabı yenidən bərabərləşdirib və görüş 3:3 hesabı ilə başa çatıb.
Qeyd edək ki, əgər "Bayer" Leverkuzen sabah "Frayburq" ilə oyunda məğlub olarsa, "Bayern" Münhen çempionluğunu rəsmiləşdirəcək. Əks halda, çempionluq mübarizəsi son iki həftəyə ertələnəcək.