BAKI, AzerVoice
Səudiyyə Ərəbistanı, İsrailin fələstinlilərə qarşı həyata keçirilən hücumları pisləyib.
AzerVoice xəbər verir ki, bu barədə Səudiyyə Ərəbistanının Xarici İşlər Nazirliyi bəyanat yayıb.
Bəyanatda, xüsusilə Ramallah şəhərinin şərqində yerləşən Kəfr Malik kəndində baş verən son hadisələrə diqqət çəkilib.
Nazirliyin bəyanatında, İsrailin Qəzza zolağındakı mülki şəxslərə qarşı davam edən hücumları və məcburi köçkünlərin sığındığı mülki obyektlərin hədəf alınması da kəskin şəkildə qınanıb.
Rəsmi Ər-Riyad beynəlxalq ictimaiyyəti İsrailin beynəlxalq hüquq və humanitar normaları pozmasına qarşı məsuliyyət daşımağa çağırıb və Fələstin xalqının bütün qanuni hüquqlarının təmin olunmasının vacibliyini vurğulayıb. Səudiyyə Ərəbistanı həmçinin mülki şəxslərin qorunması üçün bütün imkanların səfərbər olunmasının zəruriliyini qeyd edib.
