BAKI, AzerVoice
Səudiyyə Ərəbistanı, ABŞ-ın İranın nüvə obyektlərinə zərbələrindən sonra ölkədə yaranmış vəziyyəti böyük narahatlıqla izləyir.
AzerVoice xəbər verir ki, bu barədə Səudiyyə Ərəbistanının Xarici İşlər Nazirliyinin (XİN) bəyanatında deyilir.
“Qardaş İran İslam Respublikasında baş verən hadisələri, xüsusilə də Birləşmiş Ştatların İranın nüvə obyektlərinə endirdiyi zərbədən sonra yaranmış vəziyyəti Səudiyyə Ərəbistanı böyük narahatlıqla izləyir. Krallıq, vəziyyətin daha da gərginləşməsinin qarşısını almaq üçün təmkinli davranışlara yönəlmiş bütün səylərin vacibliyini vurğulayır” – deyə, bəyanatda bildirilib.
Qeyd edək ki, ABŞ Prezidenti Donald Tramp iyunun 22-ə keçən gecə ölkəsinin Hərbi Hava Qüvvələrinin İran ərazisində üç nüvə obyektinə – Fordo, Natanz və İsfahana qarşı uğurlu hücum həyata keçirdiyini açıqlamışdı. O, həmçinin İranı İsrail ilə münaqişəni dayandırmağa çağırmışdı.
