BAKI, AzerVoice
Məscidül-Həram və Məscidün-Nəbinin işlərinə məsul Ümumi Komitə bazar günü açıqlama verərək bildirdi ki, cari Ramazan ayı ərzində Hərəmeyn-i Şərifeyni (iki müqəddəs məscidi) ziyarət edənlərin sayı 122 milyon 286 min 712 nəfərə çatıb.
AzerVoice xəbər verir ki, zəvvarlara ibadətlərini rahat və təhlükəsiz bir mühitdə,yerinə yetirmələri üçün bütünlüklə inteqrasiya olunmuş xidmətlər təqdim olunub.
Qeyd olunub ki, komitə Məscidül-Həramın əsas girişlərinin
zəmininə yerləşdirilmiş sensorlu oxuyucular vasitəsilə zəvvarların
və namaz qılanların sayını təyin edən müasir texnologiyalardan
istifadə edib.
Bu addım ziyarətçi axınlarının və kütlələrin effektiv idarə
olunması, əməliyyat səmərəliliyinin artırılması və əlaqədar
qurumlarla əməkdaşlıq çərçivəsində xidmətlərin optimallaşdırılması
məqsədilə atılıb.