Yəməndə İranın dəstəklədiyi husilər İsrail əsgərlərinin Məscidül-Əqsaya basqınından sonra altı pilotsuz təyyarə ilə İsrailin dörd bölgəsinə zərbə endirdiklərini açıqlayıb. Husi ordusunun sözçüsü Yəhya Seri hücumların cənubdakı Bir-es-Sebi (Bershawa), Nəcəf və Əliat şəhərlərinə, həmçinin şimaldakı Hayfaya yönəldiyini və “kritik hədəflərin” vurulduğunu iddia edib. Qeyd edək ki, husilər bu hücumları İsrailin Qəzza zolağında fələstinlilərə qarşı həyata keçirdiyi hərbi əməliyyatlara, Məscidül-Əqsaya basqınlara və müqəddəs məkanlara qarşı pozuntulara cavab olaraq etdiklərini bildiriblər. İsrail tərəfi isə məsələ ilə bağlı açıqlama verməyib. Yanvarın 19-da əldə olunan atəşkəs razılaşmasının pozulmasından sonra husilər vaxtaşırı ballistik raketlər və PUA-larla İsraili hədəfə alır.

Bu gün baş vermiş əsas hadisələrin xronoloji xülasəsini təqdim edirik.

24 ölkənin xarici işlər nazirləri və üç Avropa Komissarı Qəzza zolağında humanitar vəziyyətin kritik həddə çatdığını bildirərək, İsraili ehtiyacı olan insanlara humanitar yardımın çatdırılmasına icazə verməyə çağırıblar. Bu haqda Böyük Britaniya Xarici İşlər Nazirliyi tərəfindən yayılan bəyanatda qeyd olunub.

BMT-nin Humanitar Məsələlər üzrə Koordinasiya Ofisi (OCHA) Qəzzadakı yardım tərəfdaşlarının bu uşaq ölümü sayını “dünyanı utandıran və təcili tədbir tələb edən faciəvi mərhələ” kimi qiymətləndirib. Ümumdünya Ərzaq Proqramı bildirir ki, 300 mindən çox uşaq ciddi təhlükə altındadır və Qəzza əhalisinin üçdə biri günlərlə qidasız qalıb. Qida təminatı üçün aylıq 62 min ton ərzaq yardımına ehtiyac var, lakin 2 milyondan çox insan hələ də kifayət qədər qidaya çıxış əldə edə bilmir.

Bu qərar Qəzza və İordan çayının qərb sahilindəki vəziyyətlə bağlı mediada yayılan məlumatlar və fondun İsrailin müdafiə sənayesində fəaliyyət göstərən şirkətlərə sərmayə qoyması barədə təcili araşdırma nəticəsində qəbul edilib. Norveç maliyyə naziri Yens Stoltenberq fondun İsrailə olan investisiyalarının yenidən nəzərdən keçirilməsinin davam etdiyini bildirib. Fondun iyunun 30-na olan məlumatına görə, o, 61 İsrail şirkətində paya sahib olub, lakin son zamanlarda 11 şirkətdəki səhmlərindən əl çəkib. Hələlik həmin şirkətlərin adları açıqlanmayıb.

“Times of Israel” və “Haaretz”in istinad etdiyi diplomatik mənbələr bildirir ki, HƏMAS böyük güzəştlərə hazır olduğunu göstərərsə, İsrail siyasi rəhbərliyi bu hərbi əməliyyatı dayandıra bilər. Lakin iki tərəf arasında fikir ayrılıqlarının qalması ehtimalı hələ də yüksəkdir. Fələstinli mənbələr isə HƏMAS-ın danışıqlarda irəliləyiş istəyinin İsrailin Qəzzaya nəzarət planından çəkilib-çəkməməsindən asılı olduğunu vurğulayırlar. Bu xəbərlər İsrail-HƏMAS arasında danışıqların əvvəlki iflasından sonra gəlsə də, İsrailin razılığa hazır olduğunu göstərən siqnallar da mövcuddur.

İsrail ordusunun bu gün səhər saatlarından etibarən Qəzza zolağına həyata keçirdiyi hücumlar nəticəsində 15 fələstinli həyatını itirib. Xəstəxana mənbələrinin və şahidlərin verdiyi məlumata görə, İsrail ordusu Qəzza zolağında yenidən köçkün düşənlərin çadırlarını, mülki insanların evlərini və yardım gözləyən şəxsləri hədəfə alıb. İsrailin Qəzza şəhərinin cənub-şərqində yerləşən Zeytun məhəlləsində bir evi bombalaması nəticəsində 4 fələstinli həyatını itirib, 2 nəfər yaralanıb. Eyni məhəllədə başqa bir evə edilən hücum zamanı da 4 nəfər ölüb.

Bu gün baş vermiş əsas hadisələrin xronoloji xülasəsini təqdim edirik.

Birləşmiş Millətlər Təşkilatının (BMT) Baş katibi Antonio Quterreş, Qəzzada fəaliyyət göstərən 6 fələstinli jurnalistin İsrail ordusu tərəfindən öldürülməsini pisləyib. Bu barədə BMT Baş katibinin sözçüsü Stefan Düjarrik bildirib.

İsrailin Qəzzaya qarşı törətdiyi vəhşiliklərə ən sərt reaksiya verən ölkə Türkiyədir. Bunu Türkiyə Prezidenti Rəcəb Tayyib Ərdoğan Nazirlər Kabinetinin iclasından sonra verdiyi açıqlamada deyib.

Fransa prezidenti Emmanuel Makron İsrailin Qəzzanı işğal etmək qərarına sərt reaksiya verərək bu qərarı “misilsiz bir fəlakətin başlanğıcı” kimi qiymətləndirib. O, Qəzzadakı mülki əhalinin və HƏMAS-ın Qəzzada saxladığı girovların bu strategiyanın əsas qurbanı olmağa davam edəcəyini vurğulayıb və BMT mandatı altında beynəlxalq koalisiya yaradılması təklifini irəli sürüb.

Birləşmiş Millətlər Təşkilatının (BMT) qlobal sülh və təhlükəsizlik məqsədlərini həyata keçirə bilməsi üçün ciddi islahata ehtiyacı var. Bunu Türkiyə Prezidenti Rəcəb Tayyib Ərdoğan BMT-nin yaradılmasının 80-ci ildönümü münasibətilə keçirilən tədbirə göndərdiyi video-müraciətdə deyib.

İsrailin davam edən hücumları və bölgəyə tətbiq etdiyi blokada nəticəsində Qəzza zolağında humanitar böhran daha da dərinləşir. Qida çatışmazlığı və tibbi yardımın məhdudluğu səbəbindən aclıq halları artmaqdadır. Qeyd edək ki, BMT və beynəlxalq humanitar təşkilatlar Qəzzada aclıq riskinin kritik həddə çatdığını və bölgəyə təcili yardım göstərilməsinin vacibliyini dəfələrlə vurğulayıblar.

CNN-ə müsahibəsində Sanders, Qəzza xalqının İsrailin tətbiq etdiyi məhdudiyyətlər səbəbindən aclıq çəkdiyini vurğulayıb. Senator, Senata İsrailə silah satışının dayandırılması üçün təzyiq göstərəcəyini bildirib. Sanders, “İsrailin 7 oktyabr hücumlarına qarşı özünü müdafiə etmək hüququ var. Ancaq o vaxtdan bəri etdikləri bütün Fələstin xalqına qarşı müharibəyə çevrildi” - deyib. Qəzzada on minlərlə insanın, o cümlədən uşaqların aclıqdan əziyyət çəkdiyini bildirən senator, Baş nazir Binyamin Netanyahunun həyata keçirdiyi blokadanı da pisləyib

BMT-nin Fələstin üzrə xüsusi məruzəçisi Françeska Albanese Avropa Futbol Assosiasiyaları İttifaqına (UEFA) müraciət edərək, İsrailin Qəzza zolağında hərbi cinayətlər törətdiyini bildirib və ölkənin futbol yarışlarından kənarlaşdırılmasını tələb edib. Albanese X platformasında UEFA-nın əl-Obeidin ölümünə dair paylaşımına istinad edərək, “UEFA, qatillərini yarışlarımızdan qovmağın vaxtıdır. Gəlin idmanımızı ayrı-seçkilik və soyqırımdan təmizləyək” sözlərini yazıb.

Duran sosial media hesabında İsrail ordusunun Şifa xəstəxanası yaxınlığında jurnalistlərin məskunlaşdığı çadırı birbaşa hədəfə aldığını, nəticədə ikisi “Əl-Cəzirə” müxbiri olmaqla beş jurnalistin öldüyünü bildirib. “İsrail körpələrə, uşaqlara, qadınlara, qocalara və xəstələrə qarşı törətdiyi soyqırımın görünməsini əngəlləmək üçün jurnalistləri məqsədli şəkildə hədəfə alır. Həm insanlığı, həm də həqiqəti məhv etməyə çalışır. Bu, beynəlxalq hüququn açıq-aşkar pozulması və müharibə cinayətidir” — deyə Duran vurğulayıb.

Xəstəxana rəsmiləri hücumun məqsədyönlü şəkildə jurnalistləri hədəf aldığını bildiriblər. İsrail ordusu Ənəs əl-Şərifin öldürüldüyünü təsdiqləyərək onu “HƏMAS hüceyrə lideri” olmaqda ittiham edib. Lakin “Əl-Cəzirə” və Fələstin tərəfi bu iddiaları rədd edərək hadisəni mətbuat azadlığına qarşı açıq hücum kimi qiymətləndirib. Hücum nəticəsində fotojurnalistlər İbrahim Zahir, Mömin Alive və Məhəmməd Nəvfəl də həyatını itirib, bir neçə jurnalist yaralanıb.

Bu gün baş vermiş əsas hadisələrin xronoloji xülasəsini təqdim edirik.

İsrailin Təhlükəsizlik Kabineti ordunun Qəzza zolağında HƏMAS-ın qalan iki əsas mövqeyini – Qəzza şəhərini və zolağın mərkəzindəki qaçqın düşərgələrini məhv etməsinə göstəriş verib. Bu barədə İsrailin baş naziri Benyamin Netanyahu mətbuat konfransında bildirib.

Türkiyə Prezidenti Rəcəb Tayyib Ərdoğanın sədrliyi ilə keçiriləcək Nazirlər Kabineti iclasında İsrailin Qəzzanı işğal planına qarşı Türkiyənin atacağı addımlar və “Terrorsuz Türkiyə” prosesi çərçivəsində son inkişaflar müzakirə olunacaq. İclasın gündəliyində həmçinin daxili və xarici siyasətdəki digər mühüm məsələlər də yer alacaq.

İsrailin hərbi planları Qəzza zolağını Vyetnama çevirə bilər. Bunu İtaliyanın xarici işlər naziri Antonio Tayani deyib.

Qətər və Misir Qəzza zolağındakı münaqişənin həlli üçün vasitəçilik səylərini davam etdirir, lakin HƏMAS bu səylərin nəticələri barədə məlumat almayıb. Qətər və Misirdəki vasitəçilər səylərini dayandırmayıblar, amma indiyədək bu səylərin nəzərəçarpacaq nəticəsi olmayıb və HƏMAS rəsmi olaraq heç bir nəticə barədə məlumatlandırılmayıb.

Böyük Britaniya hakimiyyəti İsrailin Qəzza zolağını tamamilə işğal etməsi halında yeni sanksiyalar tətbiq etməyə hazırlaşır. Bu barədə "The Sunday Times" qəzeti məlumat yayıb.

Qəzza zolağında son 24 saat ərzində ikisi uşaq olmaqla beş nəfər aclıq və qidalanma çatışmazlığı nəticəsində həyatını itirib. Beləliklə qidalanma çatışmazlığı səbəbindən ölənlərin ümumi sayı 100-ü uşaq olmaqla 217 nəfərə yüksəlib. Bu barədə Fələstin Səhiyyə Nazirliyi məlumat yayıb.