Close Menu
    Yaxın Şərq

    SDQ terror təşkilatı ümumi “səfərbərlik” elan edib

    BAKI,AzerVoice

    Suriyada siyasi və hərbi gərginlik pik həddə çatıb. "Suriya Demokratik Qüvvələri" (SDQ - PKK terror təşkilatının Suriya qolu) rəsmi olaraq "ümumi səfərbərlik" elan edərək bütün tərəfdarlarını silahlı müqavimətə çağırıb. Bu qərar SDQ rəhbəri Məzlum Abdinin Dəməşqdə Suriya hökuməti ilə apardığı danışıqların iflasa uğramasından dərhal sonra verilib.

    AzerVoice xəbər verir ki, Suriya Prezidenti Əhməd əş-Şəraa ilə SDQ rəhbərliyi və ABŞ nümayəndə heyəti arasında keçirilən 5 saatlıq gərgin görüş nəticəsiz başa çatıb. Məlumata görə, Məzlum Abdi əvvəlcədən imzalanmış və Suriyanın ərazi bütövlüyünü tanıyan razılaşmadan geri çəkilib. O, Haseke əyalətinin SDQ -nin idarəçiliyində qalmasını tələb etsə də, Prezident Əhməd əş-Şərəa bu tələbi qətiyyətlə rədd edib.

    Suriya tərəfi SDQ -yə qərar vermək üçün günün sonuna qədər vaxt qoyub. Əhməd əş-Şəraa bildirib ki, əgər razılaşma əldə olunmasa, Haseke məsələsi hərbi güc yolu ilə həll ediləcək. Bu məqsədlə Suriya ordusu artıq Rəqqa və strateji əhəmiyyətli Diviziya 17 ətrafında hərbi hazırlıqlara başlayıb.

    Eyni zamanda, Suriya Prezidenti Əhməd əş-Şərəa ilə ABŞ Prezidenti Donald Tramp arasında telefon danışığı baş tutub. Hər iki lider Suriyanın ərazi bütövlüyünün qorunması, terrorla mübarizə və kürd xalqının hüquqlarının dövlət daxilində təmin edilməsi barədə razılığa gəliblər.

    Oxşar Xəbərər

    © 2026 Azervoice.