BAKI, AzerVoice
“Mançester Yunayted” yarımmüdafiəçi Ruben Neveşin transferi üçün Səudiyyə Ərəbistanının “Əl-Hilal” klubuna rəsmi təklif göndərib.
AzerVoice xəbər verir ki, bu barədə jurnalist Ekrem Konur “X” sosial şəbəkəsində məlumat paylaşıb.
Məlumata görə, İngiltərə klubu portuqaliyalı futbolçu üçün 23 milyon avro təklif edib və “Əl-Hilal”ın bu təklifi qəbul edəcəyinə ümid edir. Təklif qəbul olunacağı təqdirdə, “Mançester Yunayted” futbolçunun özü ilə danışıqlara başlayacaq.
Bununla belə, Ruben Neveş hazırda Səudiyyə Ərəbistanında özünü rahat hiss edir və transferdə əsas məsələ maliyyə şərtləridir. Yarımmüdafiəçinin “Əl-Hilal”la mövcud müqaviləsi 2026-cı ilin iyun ayına qədər qüvvədədir.
Bu mövsüm Neveş klubun heyətində bütün turnirlər üzrə 21 oyunda iştirak edib, 8 qol vurub və 4 məhsuldar ötürmə ilə yadda qalıb. “Transfermarkt” portalının məlumatına görə, futbolçunun transfer dəyəri 25 milyon avro təşkil edir.