BAKI, AzerVoice
Sabit və vahid Suriya bölgədə təhlükəsizliyi dəstəkləyəcək.
AzerVoice xəbər verir ki, Vaşinqtonda
keçirilən Türkiyə-ABŞ Suriya İşçi Qrupunun iclasından sonra iki
ölkə sabit və vahid Suriya vizyonunu paylaşdıqlarını bəyan
ediblər.
Bəyanatda bildirilib ki, terror təşkilatlarına sığınacaq verməyən
bir Suriya regional təhlükəsizlik və rifahı gücləndirəcək.
Görüşdə Türkiyə nümayəndə heyətinə xarici işlər nazirinin müavini Nuh Yılmaz, ABŞ nümayəndə heyətinə isə Kristofer Landau rəhbərlik edib. Toplantıda həmçinin Türkiyənin Vaşinqtondakı səfiri Sedat Önal və ABŞ-ın Ankaradakı səfiri Tomas Cozef Barak da iştirak ediblər.
Birgə bəyanatda tərəflər Suriyanın ərazi bütövlüyünün qorunmasının vacibliyini vurğulayıblar və bölgədə barışıq içində yaşayan sabit bir Suriyanın həm Suriya xalqı, həm də qonşu ölkələr üçün inam və təhlükəsizlik mənbəyi olacağına diqqət çəkiblər.
