Bakı, AzerVoice, Nailə Babazadə

ABŞ Prezidenti Donald Tramp ilə Ukrayna Prezidenti Volodimir Zelenski 28 Dekabrda ABŞ-ın Florida ştatında görüşəcək və Rusiya-Ukrayna münaqişəsini sona çatdırmaq üçün sülh planını müzakirə edəcəklər.

AzerVoice xəbər verir ki, Axios xəbər agentliyinin məlumatına görə, ABŞ və Ukrayna rəsmiləri planın bir hissəsi üzrə razılığın əldə edildiyini bildirib. Ukraynalı rəsmilər qeyd edib ki, Tramp Floridadakı Mar-a-Lago iqamətgahında Zelenskiyi qəbul edəcək və iki lider sülh planını müzakirə edəcək.

ABŞ-dan bir yüksək vəzifəli şəxs bildirib: “Rus və Ukraynalılarla mümkün olan ən irəli nöqtəyə gəldik. Son iki həftədə keçən ildən daha çox irəliləyiş əldə etdik. Topu kaleyə göndərmək istəyirik. Doğru yoldayıq.”

Eyni zamanda, ABŞ rəsmisi NATO-nun 5-ci maddəsinə bənzər təhlükəsizlik zəmanətləri ehtiva edən sənədin Senata təsdiq üçün göndərilməyə hazır olduğunu bildirib.

Ağ ev indiyədək bu iddialara rəsmi açıqlama verməyib. Zelenski isə açıqlamasında yaxın gələcəkdə Tramp ilə yüksək səviyyəli görüşün baş tutacağını və yeni ilə qədər bir çox məsələnin qərara bağlana biləcəyini bildirib.