BAKI, AzerVoice, Nailə Babazadə

ABŞ Prezidenti Donald Tramp, Ukrayna Prezidenti Volodimir Zelenskinin ölkəsinin təklif etdiyi “sülh planını” oxumadığını və buna görə məyus olduğunu bildirib.

AzerVoice xəbər verir ki, Tramp, Kennedi Mərkəzində iştirak etdiyi tədbirdə qırmızı xalça üzərində jurnalistlərin gündəmə dair suallarını cavablandırıb.

Zelenskinin, Rusiya-Ukrayna Müharibəsini bitirməyə yönəlmiş ABŞ-ın təklif etdiyi planı hələ oxumadığını qeyd edən Tramp, bu səbəbdən məyusluq yaşadığını söyləyib.

Tramp, Ukrayna xalqının və Rusiyanın planı “bəyəndiyini” iddia edərək belə deyib: “Zelenskinin bu mövzuda heç bir probleminin olduğuna əmin deyiləm.”

Mövcud rüsum sistemi ilə “daha çox milli təhlükəsizlik” təmin olunduğunu və ABŞ Prezidentinin “daha təsirli və sürətli hərəkət edə bildiyini” müdafiə edən Tramp, “Böyük ölçüdə ticarət və ya rüsumlar sayəsində 8 müharibəni bitirdim” ifadəsini işlədib.

Tramp, digər rüsum metodlarının eyni səviyyədə milli təhlükəsizlik təmin edə bilməyəcəyini və rüsum tətbiq olunan ölkələrin bu mövzuda “şikayətinin olmadığını” iddia edib.

ABŞ Prezidenti, Kanada və Meksika ilə ticarət mövzusunda da məhsuldar danışıqlar apardıqlarını bildirib.

Daha əvvəl Kanada ilə dayandırdığı ticarət danışıqlarını yenidən başlayıb-başlamayacağına dair sualına cavab olaraq Tramp belə deyib: “Görəcəyik. Məsələ ondadır ki, Kanada bizim də istehsal etdiyimiz bir çox şeyi istehsal edir, amma biz bunu həll edəcəyik.”

23 noyabrda ABŞ və Ukrayna nümayəndə heyətləri İsveçrənin Cenevrə şəhərində bir araya gələrək Trampın təqdim etdiyi 28 maddəlik sülh planını müzakirə etmişdi.

Hər iki heyət, ABŞ Dövlət Katibi Marko Rubio və Ukrayna Milli Təhlükəsizlik və Müdafiə Şurasının katibi Rüstəm Umerovun rəhbərliyi ilə 30 noyabrda Florida ştatında ABŞ-ın sülh planını müzakirə etmək üçün yenidən görüşmüşdü.